|
「玩具獵人」收藏專訪
《特攝迷對戰隊迷 》
日期：2005年2月27日 時間：下午4時時30分
今次我地訪問的是最近人氣急升，經常亮相各活動的刀鋒戰士，希望透過今次的訪問能帶大家進入刀鋒兄的私人特撮世界。
刀鋒戰士於2002年左右，這時剛開始上網跟隨大首領JOEY，在KR
FOREVER討論區留言，2004年KR FOEVER和玩具獵人網的討論區合體，他也跟隨大軍搬到這裡，他一直以來都是活躍份子，所以近幾年在討論區上認識了一大班志同道合的好友。
刀．鋒．戰．士．的．特．撮．世．界
戰隊：你記唔記得幾時開始鐘意特撮？
刀鋒：大概係幼稚園高班，我最記得果時電視播緊光戰隊(港譯：超能戰士)，睇完之後就中左毒了。
戰隊：但見你D玩具大部份都係KR系列！睇黎你鐘意RIDER多D喎！
刀鋒：係呀！因為當年電視播RIDER
BLACK，我一睇就被佢既外型迷到了，之後買玩具，之後扮RIDER變身、之後中了劇毒、之後...........直到永遠阿門......................!
戰隊：除左外型仲有乜嘢令你咁鍾意KR呢？
刀鋒：最重要係RIDER大部份本身都係普通人同我一樣咁高咁大和我的生活很接近，好似隨時會在我身邊出現一樣，細個果時更認為RIDER做到的我也做得，所以我由細到大都好鐘意學RIDER啲動作和變身。
  
戰隊：戰隊都得喎，你又唔學？
戰隊：咁你平時除左扮RIDER外仲愛份咩特撮人物呀？
刀鋒：特搜紅戰士囉！！件衫都整埋，你唔係唔知丫麻，件衫同你一齊整堙A囿掠捸I！
戰隊：哼！！咁你頭先你又話戰隊D嘢交番比我！！攪錯呀！！
刀鋒：........................咪咁少氣啦！
戰隊：聽聞你都識D日文喎！係唔係專登為睇特撮學架！
刀鋒：我記得宮內洋(注：特撮界的名演員)在佢既一本自傳講過：[特撮節目也就是教育節目]，我都係從書籍、電視節目、CD中學，所以唔好睇小特撮片，學到好多嘢架！
戰隊：眾多套特撮片中你最愛或印像最深係邊一套？
刀鋒：我選 95年的人造人間 HAKAIRDER吧！！第一：我本身好鐘意電腦黑魔，第二：好難得東映會為一個奸角重新造一套電影，我印像中黑魔是第一個吧！
戰隊：咁你有冇D咩難忘的事同大家分享?
刀鋒：OK!!我記得在2002年動畫歌王水木一郎同崛江美都子黎左香港會展開左兩場小型演唱會，之後佢地仲係旺角XX商場的XX玩具店裏攪左個訪問連簽名會，因為該簽名會是由香港某雜誌辦的該雜誌要讀者先答一條問題再經過抽才能進入會場..............
戰隊：記唔記得答咩問題？
刀鋒：正確講係要向水木問一條問題！我當時係問水木
[會否打算在港收俤教唱歌]，但落選了，之後多得該店的[四眼老細]，告訴我水木會在此店的後樓梯離開，之後我成功找到水木和崛江簽名和拍照，十分難得和開心。
戰隊：最後你有咩嘢想同各HSH的網友講下呀？
刀鋒：今年我會有兩個大企劃：第一：由於KR
FOEVER的網主JOEY因工、私兩方面都十分忙碌，所以令到此網長期沒有更新，我感到十分可惜，所以經JOEY同意後我會聯同網友凉村曉、不死傻鳥
幫此網進行大更新，希望大家多多支持。第二：本年內我會和戰隊獵人再聯同HSH多位網友進行一個驚天大計劃，計劃目的是令到HSH能做到和各網友有互動的效果、而且達成我和戰隊獵人的多年的夢想，但此計劃是HSH的高度機密所以暫時不能透露太多，我保證到時大家一定會鐘意而且能給大家一個大驚喜，詳情請大家留意HSH日後的公告。
 
刀．鋒．戰．士．的．玩．具．世．界
身為超級特撮迷的他，當然是不會放過這類玩具，不過幪面超人玩具始終是他的至愛，無論是扭旦、電單車、膠公仔、裝著、甚至變身腰帶及武器，他也會購買。在牆壁上設罝了一個專於扭旦的玻璃櫃，大部份空間也給幪面超人佔據了，其他的包括龍珠，美少女戰士等，而近期播映的超人特攻隊也成為他的收藏之一。
跟着進入他的房間，一看之下四周也充滿着特攝魂，無論是電腦桌、窗台、牀邊、甚至牀下的櫃也堆滿了玩具，但以膠公仔為多，說到膠公仔，幪面超人劍的大膠系列令他最頭痛，據他說此系列出售後，因為手工太靚，便忍不住買了下來，之後是格連和卡理斯，這三款也推出了兩個版本，來貨多容易找到，唯獨是梅花令他有點失落，當時只出了一個版本，來貨又少，所以難於找到。不過屬於他的玩具始終會回來的，最終在某商場玩具店找到他的伙伴，回家後立刻與其他超人集合，大家可以聯手對付UNDEAD了，刀鋒頓時感到滿足。
有些不拆盒的玩具，刀鋒會放在牀邊或者是牀下的櫃，幪面超人劍實在太吸引他了，因此整排也是劍的RHS，睡覺時也可對着這些英雄呢!他亦有收藏SIC，但是地方有限，只能隔盒觀看
，而他最喜歡的是電腦黑魔，因為似1995年劇場版的造型。而且他收藏了很多書籍、CD及DVD，有些更是經典的。刀鋒覺得單看書籍是不夠的，他更愛模仿劇中角色，口中滿是角色中的經典對白，玩變身之餘也模仿出場招式......總之到他家中簡直是不枉此行!!
|
